طب يرضي مين
ترضاها لاختك
ترضاها لأمك ولا بنتك
طب فين كرامتك؟
طب إنت عارف يعني ايه سجن البنات؟
نفسي بس تحس خوفها أوكسوفها
لما كلب من الكلاب يروح يشوفها
إنت حاسس بالألم ولا الاهات؟
طب إنت حاسس
كام مره بس قلبها
من خوفها مات
…………………..
طب إنت بنت زيها
حسيتي بيها؟
حسيتي خضة قلبها
لما الديابة يبصوا ليها
حسيتي حسرة أمها
علي بنتها وخوفها عليها؟
مشتاقة مره لحضنها
وتواسي فيها
دايما بتسأل نفسها
طب حد حامل همها ؟
طب حد يمسح دمعها؟
طب حد خفف عنها ؟
……………………..
هوه إنتوا إيييبه !!! ما إنتوش بشر؟
هوه إنتوا قلبكوا من حجر؟
بناتنا في السجن في خطر
وإنتم كتير ملايين كتير زي المطر
ولا ليكوا قيمه تتذكر
طب فين شهامتك يا دكر ؟
ولا إنت ماتت نخوتك ؟
ولا إنت ضليت سكتك ؟
فين الكرامة يابشر ؟
فين الشرف!!!راح وإندثر ؟
فين الضمير!!!
هوه كمان ضاع وإنكسر؟
#أحمد_خليل_الجن